Jagićeva ulica
digg del.icio.us TOP
  Posted February 24th, 2014 by Zdenko  in Purgerska Nostalgija | Jos nema komentara

Purgerska nostalgija

Preneseno sa Lupus Portala

VSI TI CAJTI KAJ SU PREŠLI! VU PLAVEM TRNACI – v Jagićevi vulici…
Tak sam se na koncu našel tam pri rampi na Zapadnom Kolodvoru… Narafski ta rampa je fort zaprta od gda ja pamtim. A ljudi se provlačiju spodi rampe i svako malo si negdo grbaču vudri… baš je to zanimlivo gledeti. Ide baba i vleče dva cekera z placa i sagne hrptenjaču da projde spodi rampe… pa krivo proceni visinu rampe i brznu kretanja u odnosu na svoja leta… viš kak se ja znam znanstveno izražavat… no.. i onda baba s krivom formulom tak vudri po rampi, da se ta zdigne celi metar v zrak… Smešno, a kaj…

Jagiceva8Jagićeva vulica – kod rampe i Zapadnog Kolodvora

Zaprav sam ja tu stal da malo hitim pogled na dobru staru Jagićevu vulicu.. Već sam ja tu dost o toj kompliciranoj vulici škrabal… je da je to jena od glavnih vulica kojom se sa zapada grada ide prema centru, al je to fest stara i zapuštena vulica. Još su tu stare hiže z sjeverne strane… se hočeju podret kak slabo zglediju. A z druge strane Jagićeve je još dalko gorše… tam su još one stare železničke nastambe kaj su napol zrušene… al ljudi još tu živiju…

Jagiceva5Po sredini Jagićeve su dve trajvanske štreke

A po sredini Jagićeve su dve trajvanske štreke… a pokraj njih dva metra višlje je jeno deset železničkih štreka kud vlaki pelaju. Kak stvari stojiju ta se… moremo reč  glavna prometnica nebu tak skoro vređivala. Štreku nemaju kam maknut, vulicu nemaju kak proširit… one podrapane bajte nebu nigdo nit popravlal nit rušil do kraj. A ove hiže z leve strane takaj nigdo nebu malo vredil da bar nekak zglediju… Ono kaj je tu najžalostnije… to su ta stara dreva koja više na nikaj ne sličiju… tak su ofucama kak da ih je tajfun poharal i koze brstile. A sečam se ja da su to negda bila bogata dreva kojih je zelena krošnja visela prek pol vulice. A spodi dreva je bila zelena trava a denes je to parkirališče… malo trave… malo blata, malo betona… tak vse skup ništ… Šteta… baš bum se malo razpital kaj misliju delati tu kaj al ne misliju. Znaš negdo spameten v Gradcki upravi je spomenul da štreku treba metnut pod zemlu… bi to bilo… se reče… metro. Onda su rekli da to ni moguče. Pa je onda bil predlog da se sagradiju betonski nosači i da se štreka digne v zrak, pa ni to ni prešlo… Najpametnejši je bil predlog da se štreka još tam pri Podsusedu prepela prek Save i da se kolodvori preseliju izvan Zagreba. No za to trebaju velki penezi i od Grada Zagreba i od Države. I tak… još bumo dugo čekali da Jagićeva vulica postane pravi velegradcki bulevar

Jagiceva23Početak Jagićeve ulice – štreka i Jagićeva idu paralelno

Viš tu na kraju te vulice je bil… a je to bilo davno… pravi prafcati trnac. Je to bil jen zapušteni park, a bilo je i par starih pohabanih drvenih klupa… Okol je pa raslo grmlje vikše neg je človek… Gda si zvana gledel v to mesto nisi mogel ništ videt kaj je v tem grmlju… A je to bilo ono pikavo grmlje… z malim črlenim listekima, pa se to trnje ni vidlo… a gdo ni znal mogel se fest zgrebati…

A po kmici je to bilo mesto kaj ga treba izbjegavati… Kmica kak v tunelu… kaj su fakini z vulice porazbijali vse lampe okol… Narafski… se tu navelko čikalo… pa i cugalo… največ oni mirogojček Badel…

A na onim klupama se stvarala ljubaf… viš kak sam se umetnički izrazil… Su te pucice… največ tu… domače… sedele dečkima na kolenima, a spodi kratke kikljice su im virele dve noge i jena ruka… Je… to je tak bilo… KAJ NE?

Jagiceva1Svima poznata INA benzinska pumpa u Jagićevoj

Je v delu teg parka kasnejše napravlena ta benzinska stanica… je to bila prva V Gradu Zagrebu kaj je delala… se veli… Non Stop… celi dan i celu noć… i v nedelju i za praznike…

A ti je park, kaj su ga skoro prepolovili onda malo doteran i vređen… Pa ni već tam bilo onih domačih fakinof… su prešli v Klaičevu na Srednješkolsko igralište, kaj je takaj bilo zapušteno… A ta benzinska nebu još dugo… je određena za rušenje kaj bu se tu gradilo novo naselje…

Jagiceva2Parkirališče s malo trave… malo blata, malo betona.

Viš je taj… se reče… drvored… negda bil više zeleni… Su to stara dreva… najveć oneg javora i kak zgledi vse se više sušiju… A još su ih i ošklobali oni gradski vrtlali… Negda su te krošnje bile do krova hiža i do pol vulice. Denes jedva malo hlada daju.  Nema več trnaca v Jagićevi vulici… nema ni fakinof… ni pucica na kolenima… a ni parka več ni… samo par dreva…

Jagiceva7Stakleno čudo od zgrade

Viš.. to je z druge strane .. Nikak za to stakleno čudo nemreš kazat da je hiža.. To se onda veli.. građevina.. vrabec ga dal.. To ti je dole pri dnu malo betona..a onda zgor samo železo..steklo.. i one ploče od gipsa…veliju knauf.. Je..a kaj.. to je denes moderno i kaj je najvažnejše.. jeftino građenje teh.. hmmm.. građevina.. A naša se gazdarica ziher fest veseli kaj bu i v nejzinom firtlu bilo kak v Metropoli.. Pa makar ja rajše gledim one stare i ofucane hiže.. nekak su mi više domače.. A ovo tu.. nebi ja dal svoju hižu za deset takšnih.. No.. zdaj bu gazdarica ponosna kaj se je ta vulica začela pretvarati u velegradcki bulevar.. Ha.. kak to pri nami ide.. još pedeset let i morti bu cela vulica takšna…

Jagiceva6Početak Jagićeve ulice kod Zapadnog Kolodvora

Vas poštivlem i pozdravlam.
Da ste mi gesund !
Mario Cicigoj-Družinec (Mekon) iz Zagreba Grada

Serbus i najte kaj zameriti.

Follow Zdenko’s Corner on Facebook !

Share



Tags: ,



Imate komentar?
Ako imate svoj komentar ili svoje mišljenje koje želite podijeliti, pošaljite mi email ili ispunite dolje predviđena polja za vaš komentar. Svi komentari će biti prethodno pregledani, ispravljeni da budu korektni, pa će tek onda biti objavljeni.

Pošaljite svoje vlastite opise putovanja sa ili bez bicikla, izvještaj sa neke utrke ili možda članak iz povijesti Zagreba ili biciklizma u Hrvatskoj. Na ovim stranicama već imam više od 400 priča i biti će mi drago objaviti sve vaše priče, koje zadovoljavaju kriterije, po pitanju tema na ovome blogu. Pretraživanje ovih stranica omogučeno je na vrhu glavne stranice bloga sa desne strane. Isto tako na vrhu svake stranice nalazi se opcija za prevođenje ovih stranica na druge jezike.

Pošaljite svoje komentare na email adresu: zdenko@zkahlina.ca

Leave a Reply