Varšafska vulica
digg del.icio.us TOP
  Posted August 30th, 2014 by Zdenko  in Purgerska Nostalgija | Jedan komentar

Purgerska nostalgija

Sastavio: Mario Cicigoj-Družinec

VSI TI CAJTI KAJ SU PREŠLI! Moje špancirancije kroz Varšafsku vulicu…
No, ščera sam malo sprešel čez Varšafsku vulicu… navek rado i često tu projdem. Pa kak nebi, tud sam letima hodil gda sam išel v osmoljetku. Ti vrapca, mogel bi ju celu žmirečki prejti. Makar se je nekaj malo zmenila od oneh davnih dni… Pa sam o tome ja već nekaj škrabal… već je i tomu par let prešlo… Jeee, to vreme leti… jebal ga vrag!

Varsafska1Pogled na Varšafsku iz Gundulićeve ulice

Al nemrem tu prejti a da se ne setim vsega. Negda je ta Varšafska navek bila puna djece… školarcof i vjutro i v podne… i nafčer… v vsako vreme. A i ono staro kino Balkan je navek bilo puno… denes se zove Europa… pa ni baš bogznakaj tu za gledeti. Viš nigdar tu ni bilo semafora na vuglu, to je od noveg vremena postavleno… pa baš i ni preveč potrebno. Jedino kaj je Gundulićeva fest prometna… v Varšafsku malo koji avto skrene, a oni gornji del do Gunduličeve je… se reče… pješačka zona. Već davno v Varšafski ni oneh starih birtija kaj su bile na mestu gde su z leve strane one modernejše zgrade napravlene, negde tam koncem šezdesetih leta i posle. A i tu v doljnjem delu Varšafske je denes nekak prazno… tiho…

Varsafska2Varšafska ulica

Pogleč, ova stara velka hiža je do prošleg proletja bila škola. Se ne sečam više kakšna… samo znam da je puno ženske dece tu bilo… mislim da je bila ona birotehnička škola. Denes je zaprto… škole ni nikašne nutra. Table su poskidane, šajbe razbite.

A tu sam ja negda davno išel v osmoljetku vse do sedmog razreda. Pa sam ja to vse opisal na Lupusu… nebum ponavlal. Neznam kaj se sprepetilo z tom hižom. More jedino bit da ju je država morala vrnut Kaptolu. Tak je bilo i z onom školom na vuglu kaj su tišleri zanate vučili. I ova tu moja negdarnja škola je od davnine bila  samostan… tu su živele opatice. Pa se i ta Varšafska vulica negda nazivala Samostanska. No, za one črlene države je tu bila osmoljetka. Nada Dimić, po nekakšni partizanki se zvala. Posle su nutra natrpali one… se reče… farmaceute, pa kozmetičare. Na koncu nekakšne kemičare i nazajdne je bila ta birotehnika. Baš bum se negde razpital kaj bu z tom hižom, morti spet dojdeju opatice… ha… da su barem one mlade… a ne one stare kaj se jedva vlečeju.

Varsafska3Varšafska škola

A ova hiša je još navek i denes osmoljetka… na par korakof od one vizavi… tu sam išel jen del od sedmog razreda i celi osmi. Eee to je bila velka škola… cela sila đakof je tu išla. To je bilo najlepše vreme za nas mlade. Znaš, nit smo bili velki ljudi nit mala deca. Onak… sredina… fakini i frajeri. Već smo dimili cigaretline, cugali pomalo oneg Badela… ljubili curičke i šlatali puce, a i još svakaj… razmeš. Bili smo fest napredni… Kak sam rekel i zdaj je to škola za osmaše, al ima nutar i još nekakšne druge škole. Znaš, v tu školu nejde više nit polovica osmaša kaj su išli v moje vreme. Jenostavno, nema više djece v Gradu… barem ne tu v Centru. A kaj moreš. Centar grada pomalo umire kaj se dotikavle stanovnikof. Vse sami poslovni prostori,  poduzeča, kancelarije… Stari su Zagrepčanci pomrli, a mladi su te stanove prodali za skupe peneze i odselili se na periferiju v one… se reče… urbane vile. Pa se ja nit ne čudim preveć kaj vse manjše poznatih od negda susrečem po Gradu… Jeee i ja sam prešel na periferiju… hižu zidat. Al sam v Centru ostavil stana svoji kčerki. A ta se nebu od tud maknula nit za kakšne peneze al dvorce… Jeee, Zrinjevac je zakon…

Još bi nadodal…

Viš.. ona negdarnja najpoznatejša Zagrebačka restavracija je bila baš tu v Frankopanski vulici… se zvala prvo Zagorec, pa kasnejše Pri Zagorcu… O tem sam ja več davno tu škrabal, pa nebum ponavlal. Važno je zdaj kazat da je taj Šečković gazda tega tu v Frankopanskoj. A se takaj zna da to tak derutno stoji več okol deset let. Zajdne vreme se nekaj pripovedalo po… se reče kuloarima, da je negdo iskal dozvolu da to staro zdanje zruši i da bi se tu delal kakti hotel… kak zdaj znamo gdo je gazda tega… ni ništ čudnovato kaj bi taj štel. Pa ja znam da je ta stara hiža fest pohabana… gda sam ja zajdni put bil nutra pred deset let… već je to onda loše zgledelo, a ona bašča otraga z Varšafske vulice još dulše ni v upotrebi bila.

Varsafska4Čošak Varšafske i Frankopanske ulice

Naznam kak bu vse završilo, al znam da ta hiža ni nikak zaštičena kakšnim paragrafom o zagrebačkoj starini. I ja se nebi preveć čudil da to oni mamlaz to poruši. Pred teden dni ja sam poslal na adresu teg Šečkovića pismo i pital kaj bu z tim Zagorcem. Do denes mi nigdo ni nikaj odgovoril. A meni bi bilo fest žal da bi se to porušilo. Tu sam ja negda, gda sam delal v Frankopanski vulici v Grafičkom Zavodu Hrvatske, pojel mnoge fine gablece, spil na bačve pive, a po ljetu pelal pucice v vrtnu restavraciju pod stare kostajne, od kojih je samo jen do denes ostal…

Tam z dvorištne strane su… se reče… gospodarske hiže, gde je negda bila kuhinja a denes je nekakšno skladišče od Jagerhorna, jer tak piše na maloj tabli na vratima…

Kaj se dotikavle teg Jagerhorna.. taj isti gazda kaj je kupil oni Jagerhorn v Ilici.. kak stvari stojiju.. vlasnik je i vsega oneg kaj je negda pripadalo onem negdarnjem državnom ugostitelskom poduzeču… Lovački Rog. A bogmeš to nisu male stvari. Ta je negdarnja firma imela teh brtija i restauracija po celom Zagrebu. Kak je taj Bosanac Šečković došel do teh bogactva… to nigdo nezna pripovedat. Sam se dobro zna da je taj mulac od oneh kaj im se rad veli da su… mafija. Pa takšni su vglavnom i pokupovali vse kaj v našemu Gradu vredi. Zapraf, moglo bi se kazat da se nekaj zna okol tega. No, vse su to naši državni i zagrebački penezi koji su se našli vrag bi ga znal kak… v njihovim žepima. Al to je pri nam normalno . Sam štel samo povedat kakti dodatak na ono o Jagerhornu…

Varsafska5Poznata birtija Pri Zagorcu na Frankopanskoj ne radi…

Vas poštivlem i pozdravlam.
Da ste mi gesund !
Mario Cicigoj-Družinec (Mekon) iz Zagreba Grada

Serbus i najte kaj zameriti.

Follow Zdenko’s Corner on Facebook !

Share



Tags: ,



Imate komentar?
Ako imate svoj komentar ili svoje mišljenje koje želite podijeliti, pošaljite mi email ili ispunite dolje predviđena polja za vaš komentar. Svi komentari će biti prethodno pregledani, ispravljeni da budu korektni, pa će tek onda biti objavljeni.

Pošaljite svoje vlastite opise putovanja sa ili bez bicikla, izvještaj sa neke utrke ili možda članak iz povijesti Zagreba ili biciklizma u Hrvatskoj. Na ovim stranicama već imam više od 400 priča i biti će mi drago objaviti sve vaše priče, koje zadovoljavaju kriterije, po pitanju tema na ovome blogu. Pretraživanje ovih stranica omogučeno je na vrhu glavne stranice bloga sa desne strane. Isto tako na vrhu svake stranice nalazi se opcija za prevođenje ovih stranica na druge jezike.

Pošaljite svoje komentare na email adresu: zdenko@zkahlina.ca

Jedan komentar to “Varšafska vulica”

  1. Comment by Božica Trnka:

    Bertija Pri Zagorcu, se je još predi zvala Pri Bednjancu …

Leave a Reply