Safskom cestom od mosta…
digg del.icio.us TOP
  Posted June 18th, 2014 by Zdenko  in Purgerska Nostalgija | 5 komentara

Purgerska nostalgija

Preneseno sa Lupus Portala

VSI TI CAJTI KAJ SU PREŠLI! Čez vulice i čez trge… moje špancirancije.
Tiho teče rijeka Sava i sa sobom nosi mulj.
Stari Štefek ribu peca i u vodi moči žulj…

SAVSKA1Stari Savski ‘pješački’ most

SAVSKA2Željeznički most preko Save ili ‘Hendrixov’ most

Prije neg sunčece začne palit vse po zemli, ja sam se našel sred stareg Safskog mosta. Me pitaš kaj tu delam… Ha, pa i ja bi štel znati. Čuj, tak mi je došlo… sel sam si na Frankopanski na četrnajsticu i odpelel se do kraja Safske. Trajvan je produžil dalše prek oneg noveg mosta v Novi Zagreb, a ja sam ostal tu na starem okretištu trajvana. I gda sam več tu bum bar jemput sim tam sprehajbal most. A več fajn leta taj stari Safski most ne služi za avtomobile, neg samo za pešake i bicikliste. Pa se još i kašni biciklisti tu prepelaju… al pešakof ni nit za ljek. Most je fest pohaban i zapušten. Kolnik je na brzinu skrpan, železni plot je saf hrđavi… pa si razmišlaš dal se dobro na nejga naslonit. A naša lepa Savica… po njoj plovi lađica… Jeee, ništ ne plovi… je Sava gliboka jedva do kolena… moreš ju mirne duše pregazit a da si samo malo hoze podfrkneš… al kiklju podigneš. Vse se vidi kamenje na dnu i tu i tam kakšna mala ribica. A tomu su krive te vručine i suša kaj je nastala. Čim opadneju one dosadne jesenske kiše… mam bu tu teklo vode kak čez Nijagaru… Al ja nebum zdaj čekal da dež opadne. Savu sam videl pa pem nazaj na sigurno.

Nedaleko od mjesta

Kupala se djevica.

Kupala se sasvim gola

Isto tako sunčala…

SAVSKA3Kraj Savske ceste… ili je to početak?

SAVSKA4Kockarnica Senator

A tu pri samom okretištu trajvana vse je isto kak i lani. One stare hižice su navek tu i v njima stari štacuni. Več sam ja lanjskeg leta dost škrabal o tem, pa se zdaj nema kaj preveč povedat. Pa stanovnikof tu nema več fajn leta. Vse su to i dalše poslovni prostori, brtije, pekarnica, kladionice, špeceraj, mesnica, kioski z cajtungami, trafika… i bi ga vrag znal kaj još. A ljudi se tu okuplaju gda stigneju trajvani. Onda ljudi bežiju na avtobuse koji ih pelaju dalše v Novi Zagreb i okolna naselja. I dok čekaju avtobuse al trajvane, ljudi se malo zavlečeju v te štacune… brtije… i tak. A tu je i jena malo vekša kockarnica. Oni automati kaj nutra peneze hičeš, a van ništ ne dobiš. I ta kockarnica se zove ‘Senator’ Je navek puna, a pogotovo po noči. Prek dana ljudi onak pomalo hičeju nutra peneze, al po noči tu dojdeju pravi kockari. Oni v črnoj obleki v dobrim avtomobilima i z debelim penezima. I onda se tu špila za velke peneze. I se često tu čuje kak se z pištola strela gda se kockari posvadiju. A naša policija to zna al njih to ni briga. Važno da se penezi obrčeju…

Njoj prilazi stari Štefek,

Da isproba svoju moč.

Ooj curička moja mila,

Bil ti štela zmenom poč…

SAVSKA5Malta… nekadašnja carina

I osim oneh hižica pri samoj Savi tu je još i ova stara, a ta je tu i najpoznatejša od starih cajti. To je negda bila… se reklo… Malta… kakti carina. Gdo god bi prek Save dohajbal tu na Safsku cestu, moral se je prijavit v tu Maltu. A v to vreme je prek Save pelala velka drvena skela i prevažala putnike namernike, trgofce, seljake… kaj su vsi išli nekakšnim poslom v Zagreb. I onda bi Gradcki činovniki i žandar spregledali gdo se vse tu pojavi i naplatili bi vsakome tarifu za ulazak v Zagreb. Viš, ja bi to i denes tak delal… gdo hoče v naš Zagreb nek plati. A ovak gdo hoče i kak hoče dojde sim ostane kolko hoče. Zapraf, nigdo se više nit ne vrača nazaj prek Save. No, pa ta je hiža od oneg vremena preuređivana i obnavljana kak je komu pasalo tak da više opče ne zgledi kak ona prva Malta.

SAVSKA6Stara osnovna škola u Horvačanskoj ulici

I tak smo došli do kraja tog stareg djela Safske, zapraf do stare Horvačanske ulice. A od te stare Trešnjevačke vulice su do denes ostale samo dve male hižice i jena malo vekša. I v tim malima nigdo više ne živi, su prodane i čekaju da ih se zruši. A ova vekša, kaj ju tu vidiš je stara osmoljetka. Nis ziher dal još dela. Lanjskeg leta se nekakšni plafon nutra zrušil, pa su to popravlali, a kak je zdaj nemam pojma. No hiža je još tu. Celi taj del stare Horvačanske je dugački samo pedeset metri. Valjda bu i tu negdo jenog dana zdigel kakšnu građevinu od pleha i stekla.

Marš budalo jedna stara,

Kaj ne vidiš kakv si.

Opali mu dva samara,

Baš onako junački …

SAVSKA7Nova moderna Horvačanska vulica

Evo, se lepo vidiju te poslednje male stare hižice i vrteki okol njih kaj su zdaj zapušteni i zarasli v korof. A kak dalše zgledi Horvačanska lepo moreš videt po ovi velkoj grdosiji. Tu su nutra stanove dobili oni kojima su tu takaj porušili stare hiže. I skorom vse do samog konca Horvačanska zgledi kakti moderna vulica čez koju i trajvan pela vse do one dalke periferije kaj je negda bilo selo Prečko… pa to nas denes ni briga. Ja ne priznam da je tam Zagreb i šlus.

SAVSKA8Stara gostionica ‘Grozd’ na Savskoj cesti

A mam prek puta te stare Horvačanske je taki stara hiža negdarnje poznate restavracije. Se zvala ‘Grozd’. Ta je tu bila još od Kralevine i v ono vreme je bila i prenočište za one kaj su kasno pri kmici prihajali v Zagreb. U ono vreme koje ja pamtim v ti restavraciji se navek dobro jelo i pilo i to po domaći. Navek je bila puna gostiju, zapraf do pred deset let… tu negde. Zakaj više ne dela, kaj se sprepetilo… Hmmm… morti ljudi, zagrepčanci. više sim ne dolaziju… Hmmm… pa je, gdo bi išel do Save v restavraciju gda ih ima po celomu Gradu. Jeee vse staro prolazi i nestaje malo po malo. Samo se čudiš gda nečeg više ni na mestu gde je bilo. Stoga ti ja rad obilazim ta stara mesta po našemu Gradu, dok još postojiju. A tak kaj moreš… Ništ

Dalje teče rijeka Sava,

I sa sobom nosi mulj.

Stari Štefek ribu peca,

I u vodi moči žulj …

Hmm… nis pogledel… morti je još tam… ha…

SAVSKA9

Safska koja je vmrla, al bu naskoro…
Bum ti još malo dosadil z tom Safskom. Al znaš nismo tu vsaki dan, pogotovu ne na onem doljnjem kraju. V tom delu Safske se još nalaziju stare hižice, dvorišča, negdarnji vočnjaki i vrti, zanatcke i obrtničke radionice. Narafski več odavno ne delaju kak nit ljudi ne živiju tu. Vse je to več davno prodano. Ima više od deset let a još navek tu stoji i čeka da se najde… se reče… investitor z penezima, kaj bu to vse porušil i delal moderne građevine… nebodere, poslovne tornje… i tak. Slažem se ja da vse te stare podrtine nemaju nikakšnu… bi rekli… materijalnu vrednotu, al puno vredi zemlište na kojem stojiju. Takaj to vse nema nikakšnu povjesnu vrednotu, pa takšnih hiža imaš naokol kolko hočeš. Jeee, al ima vrednotu v našim srčekima… pogotovu našim koji smo rasli skup z našim dragim Zagrebom. Znaš gda se moreš setiti kak je to vse negda zgledelo, gda se setiš na ljude kaj su tu živeli, pa i tvoji poznati… gda se zmisliš da je negda to bil fest važni del našega grada i tak… onda v tebi nekaj zakriči od tuge i žaljenja. Veliju ljudi da je normalno da se tak čutiš i da bu to prešlo, da se vse brzo zaboravi. Hmmm… pa ni baš tak, ja se vsega sečam kak da je ščera bilo. Morti je to moja falinga, pa stoga ja denes i više od drugih žalim za starim i prošlim cajtima. Još bum nadodal da je v onem delu te stare Safske živela i moja familja po materi. Več sam ja o tomu škrabal… jesam, jesam… sečam se… dakle, bila je t v svoje vreme najvekša familja v Zagrebu čiji su vsi članovi živeli jen pokraj drugeg. Zapraf ne vsi al velki del. Celi oni Trešnjevački del od Zadarske vulice, kasnejše ‘Autoput’… denes pa Zagrebačka Avenija. No pa do Save je bilo v vlasništvu te moje velke familje. Sam ja več kazal da je ta familja nastala od osmero braće i jene sestre kaj su se vsi celoga živlenja držali skup. I celi taj del… firtl… dole se zval Knežija… posle pa Stara Knežija. To sam taki rekel da je ta moja familja plemenitaškog porekla i jeno od poznatih prezimena je bilo i Knezovic pl. Rumiha. I po njima je taj firtl dobil ime i nosi ga još i denes. Fest tega bi se dalo o vsem tom pripovedat, al kaj bi ja vas z tim štental. Rekel sam jemput da bum o vsemu tome naškrabal kakšnu libru, al kak denes to zgledi nebum nigdar.

SAVSKA10

Još bi nadodal da ja tu vama pripovedam i slikice keljim samo vse z desne strane Safske vulice, dakle Trešnjevačke. Desno ak glediš od zgor od početka Safske. Pa dost Zagrepčancof denes još nezna od kud Safska začne. Pitaš ljude, tu domače, pa ti velki broj njih veli da započne od Kazališča. To ni točno. Safska započne od vulice Kršnjavog al z druge strane. Vukotinovičeve. Desna strana Safske se računa velkim delom kakti Trešnjefka, a ljeva strana je Trnje. Safska vulica je granica.

SAVSKA11

SAVSKA14

Vse slikice kaj bum ti zdaj pokazal su ščera na kipec denute i nebum vsaku komentiral. Vglavnom su ti to stare hiže kak sam rekel prodane i napuštene i čekaju svoju strašnu sudbinu. V nekima još dela kakšna pekarnica al trafika, al ni to nebu još dugo. Zapraf, Savska vulica je celom svojom dužinom slabo naseljena. Iza vsih tih hiža i hižica su velka zapuščena dvorišča gde se negda živelo i delalo. Pogotovo oni del bliže Gradu vse do Vukovarske. Ljudi kaj su to prodali su tu sebi navlekli velke peneze i još stanove dobili… apartmane na moru… al kaj si je gdo poželel. Makar me srčeko boli za tem starim, ipak se veselim da bu tu jenog dana zrasel novi moderni firtl kakav se spada v nešemu dragom Zagrebu… Metropoli.

SAVSKA18

SAVSKA20

Ova tu hiža je poslednja kaj ju je prodal jen član te moje… negdar velke familje. Pa ju je oni investitor štel porušit, al se predomislil i lepo ju je pred tri meseca obnovil zvana. Čuje se da debele peneze ubira od teh velkih reklama kaj ih po hiži nakelji. Al sudbina je i za tu hižu određena. Čim bu povoljna prilika, buju ju zrušili.

SAVSKA24

SAVSKA25

I tak… tu bi se ja zabremzal. Vse dalše je ono kaj ste več ne jemput vidli i kaj bu još dugo ostalo tak kak je. Bu me negdo pital ‘A zakaj baš Safska’? Čuj… ja sam takaj več tu na tem Forumu pokazal i opisal i druge vulice i stare hiže kaj su več vmrle, al tek buju. I Maksimirsku… i Vlašku… i Petrinjsku, Meduličevu, pa i našu Ilicu. I još tega… Veliju ljudi da je sretan oni grad na svetu pokraj kojeg teče rijeka. A pokraj Zagreba teče rjeka Sava. A od Save pela cesta vse do samog srca našeg lepog Grada Zagreba. To je znači sretan Grad. Najsretniji na svetu… pa sam i ja kaj sam se v njemu zlegel i v njemu živim…

Vas poštivlem i pozdravlam.
Da ste mi gesund !
Mario Cicigoj-Družinec (Mekon) iz Zagreba Grada

Serbus i najte kaj zameriti.

Follow Zdenko’s Corner on Facebook !

Share



Tags: , ,



Imate komentar?
Ako imate svoj komentar ili svoje mišljenje koje želite podijeliti, pošaljite mi email ili ispunite dolje predviđena polja za vaš komentar. Svi komentari će biti prethodno pregledani, ispravljeni da budu korektni, pa će tek onda biti objavljeni.

Pošaljite svoje vlastite opise putovanja sa ili bez bicikla, izvještaj sa neke utrke ili možda članak iz povijesti Zagreba ili biciklizma u Hrvatskoj. Na ovim stranicama već imam više od 400 priča i biti će mi drago objaviti sve vaše priče, koje zadovoljavaju kriterije, po pitanju tema na ovome blogu. Pretraživanje ovih stranica omogučeno je na vrhu glavne stranice bloga sa desne strane. Isto tako na vrhu svake stranice nalazi se opcija za prevođenje ovih stranica na druge jezike.

Pošaljite svoje komentare na email adresu: zdenko@zkahlina.ca

5 komentara to “Safskom cestom od mosta…”

  1. Comment by Venka:

    Prekrasno, Zdenek, prekrasno!!

  2. Comment by Mekon:

    Bok pajdaš z vugleca,
    Baš je dobro kaj te imamo. Viš.. i ja denes rad pročitam kaj sam negda sam škrabal.. Ti vrapca..
    nis nit znal da je Safska tak dugačka.. Ha.. Baš ti velka fala kaj si tak vredan!
    Pozdraf z Zagreba… Mekon

  3. Comment by zinka.canjuga@yahoo.com:

    …pelam se danas vjuto na posel kroz cijelu Safsku i gledam i misim… Bože moj pa sve propada…stare kućice se ruše… skroz su oronule i grad nikaj ne dela da se te kućice spase od propadanja od zaborava… jer one su identitet… život našeg grada kroz stoljeće i nekaj… sve to izgleda jako tužno i žalosno i pomislim polako nestaju generacije koje su se tu rodile, kojima je Zagreb bil sve… koji nemaju zamjenski grad… nemreju vikendom u Dalmaciju, Slavoniju, Hercegovinu, Bosnu… već imaju samo asfalt ovog grada našeg rodnog grada, koji polako nestaje onakav kakav pamtimo i kakav volimo…

    Safka ulica je žila grada… povezuje sve od Tehničkog muzeja do Save… i što reći nego:
    “zagrebačkim ulicama cesta mog života teče, njegova me duša boli, njegova me rana peče!”

    Zinka

  4. Comment by ruza:

    Okbo!
    Evo, pak si me dragi Zdenkec razveselil i razalostil. Sjetis me djetinjstva i to me veseli, ali kad vidim kak ta ulica zgleda gorje nego juzni dio Chicaga nemam rijeci. Pogotovo parni brojevi… Kak znas ja sam iz Savske 164 i mama veli trebalo se rusiti jos 1945, jer je napukla od bombi i onda pak posle poplave ista prica i evo do dan danas. Furt smo se nadali kak bumo dobili kakav drugi stan kad bu se to rusilo, ali nade vise nema?

    Mama je umrla 2006-te u nadi kak bu mi ostavila nekaj komfornije, ali ja i dan danas dolazim u Zagreb, u svoj golubinjak, kak ga je mama zvala, u Savskoj 164. A puno, puno, bolje kuce su porusene prek ceste. Cudi me da to ne smeta gradske oce i kak ih nije sram?

    No dragi Zdenkec tebi puno, puno fala i Sretan Rodjendan, nek se veselis sa onima koje volis i koji tebe vole. Sve, sve najbolje i nadam se da se vidimo skoro mado?

    Okbo i SRETNOOOO !!!!!

  5. Comment by Božica Trnka:

    Još u vrijeme kada je Savskom vozio konjski tramvaj, na kraju Savske sa desne strane prije mosta nalazila se je gostionica sa velkom vrtnom terasom,zvala se je ”Repuš” u nju su rado navraćali kupači i ribiči,tako da se roštilj neprekidno dimio. Mnogo kasnije se je dole uz igrališta Mladosti kraj kupališta, među visokim krošnjama drveća otvorila vrtna restauracija ”Bakmaz”. Bila je čuvena po janjetini s ražnja. (PS: to sve mi je rekel Slavko). Lepi pozdrav svima i hvala na lepim napisima koje rado čitamo.

Leave a Reply