Radničkim dolom
digg del.icio.us TOP
  Posted July 12th, 2014 by Zdenko  in Purgerska Nostalgija | 2 komentara

Purgerska nostalgija

Preneseno sa Lupus Portala

VSI TI CAJTI KAJ SU PREŠLI! Špancirancije i fuliranje…
Gda kreneš z Malog Placa gor na sjevernu stran.. onda moraš prejti čez dve vulice v isto vreme.. To su vulica Radnički Dol..i Kukuljevičeva.. pa zakaj je to tak ja sam več davno tu na Lupusu objasnil i opisal.. zdaj nebum, ponavlal…

Radnicki Dol1Ulica Radnički Dol

Radnicki Dol2Pogled na Kukuljevičevu ulicu (lijevo) i Radnički Dol (desno)

Sam da podsetim da se tim Radničkim Dolom… bumo to tak zvali, jer je starejše od Kukuljevičeve. Posle par minut štrapaciranja dojde se do početka Zelengaja. Pa ak si hočeš noge podreti onda buš za jeno dobre pol vure čez Zelengaj došel do Kraljefca. Al denes nas Kraljevac ne interesira, makar sam ja tu nekaj i o toj periferiji škrabal. Rekel bum samo da tu dol na početku Zelengaja ima jen lepi park, saf v zelenilu….

Jenom prigodom mi je moj pajdaš kaj zdaj živi na Sjevernom Polu inače oni biciklist baš z teg Kralefca… Zdenko mu je ime (http://www.zkahlina.ca/cro/) spripovedal kak je v taj park dovlekel nekakšnu curičku. I onda su si seli tu na klupicu, pa je moj pajdaš njoj začel pripovedati vse kaj je znal o biciklinima… valjda joj je objašnjaval da biciklin ima dva kotača i guvernal, pa je na koncu spredi nje izvodil nekakšne akrobacije na biciklinu. I kaj… pucica se zdigla i prešla, a of bilmez se ostal čudit….

Jeee.. curicu su ziher interesirala dva jajca i guvernal v nejgovim gačama, al of to ni skužil… Evo, tak sam se malo našalil na račun mojeg pajdaša, a zapraf i ja imam nekakšnu sličnu avanturu za spripovedat i to baš z teg parka… morti iz iste klupe…

KozarcevaOvdje se odvaja Kozarčeva ulica a počinje Zelengaj

Zelengaj4Jedna stara prepoznatljiva zgrada na Radničkom Dolu

Mam prek puta teg parka v Kozarčevi vulici je stanoval moj dobri pajdaš z srednje škole. I tak, često smo dolazili jen drugom v hižu, išli skup na čagu v Tucman, skup cugali i djelili cigaretline, a koji put smo i istu pucicu snubili… ha, pa gdo prije dobi…

Negda bilo pa se spominalo…
Jenom smo prilikom pri nejgovi hiži slavili nejgof rođendan. No… kak je taj moj pajdaš, a zval se je Darko, imel dost strogu mamicu… zapraf… fest staromodnu, rođendan se je moral slaviti posle podneva… nikak ni dolazilo v obzir da bi to bilo po kmici. A kaj, taj Darko ni bil slobodnjak kak ja. Makar se je po svud zmenom vlekel, ipak je na koncu od mamice bila zajdna reč. No… okupila se pri njemu pajdašija… došli su dečki z škole i neki nejgovi pajdaši z vulice, a tu su se našle i tri pucice, nejgove susjede. Mamica je pripremila kolače i limunadu… ti vrapca, a mi smo se samo bledo pogledavali. Jee… mamica se lepo sela med nas v fotelju i gledela v svojeg sineka. Muzika je svirala… narafski gramofon, a ja sam dovlekel i oni svoj ogromni magnetofon, kaj je imel velke kolute kak kotač od biciklina. A taki sam donesel z sebom flašu Amerikana, koja je mam bila skrita iza kauča. Sused je iza leđa pokazival flašu Badela, a vsi smo v žepima žuljali škatule z cigaretlinima i šibicama. Situacija je bila takšna… više žalostna neg vesela. Mamici su se sjajile oči od radosti dok je gledela svojeg sineka kak pleše z svojom susedom. Mi smo drugi težko gutali tu limunadu z velkih čaša kaj ih je Darkova mamica spuknula kakti za posebne prilike z kištre na tavanu. Ja sam se prikrpal drugoj Darkovoj susedi, onak smo sedeli na podu na tepihu, pa sam ja tu malu zagrlil i privlekel ksebi. Al bi mam skočila mamica i zakričala.. Nooooooo….

Zelengaj park1Zelengajski park sa klupama i lampama koje ne svijetle

I tak… popoldan je prolazilo, flaše su ostale skrite, cigaretlini i dalše v žepu. Morali smo bit zadovoljni samo gledeti curičke. Vrabec ga dal… moj pajdaš je samo zlegal z ramenima i potiho nam objasnil, da je mamica taj dan obečala prejti svoji sestri nekam na Medveščak, pa evo… ni. Jezušmarija, ja bi staru najrajši gurnul čez balkon na dvorišče, al kaj… ni moja… ha… A celo popoldan ni se babi nit priscalo nit prisralo, kaj bi mi na brzinu z flaš potegnuli…

DSC00036Ovdje kod odvojka za Goljak počinje ulica Zelengaj

I tak, dan je presell, pajdaši su pomalo odlazili… rođendan je bil za krepat. Pajdaši i susede su prešle domof, ja sam zajdni ostal i ona mala Darkova suseda z vulice. Magnetofon se vrtel, vse muzika… se reklo, najnoviji hitovi šezdesetih… kaj sam ih ja po noči snimal sa Radio Luksemburga. Bi si človek pomislil da bu ta, kakti galama staru poterala v drugu sobu. Al vse je ta zdržavala. Je… došlo vreme, pem i ja domof, a ova Darkova susedica bu me malo ispratila do vugla vulice. Več se je pomalo zpuštala kmica. Dol na vuglu vulice meni pogled zapne baš prek puta v tom parku na praznu klupu. I kaj… pozovem ja tu malu da si malo sednemo v park. Ha… hoče ona. Kak i po vsim takšnim parkima po našemu Gradu v ono vreme i tu su bile vse lampe na stupima razbite… pa gdo bi sedel na klupi a da mu lampa svetli. Makar bi gradcki radniki lampe menjali, taj isti dan bi nafčer pak bile razbite. Da je slučajno ova pokraj moje klupe svetlila, bi ju ja taki razbil za jen čas. Pa smo ja i ta mala sedeli… zapraf, celo to popoldan sam se ja okol nje pomalo šmajhlal, al joj ime nis znal. Pripovedali smo o školi, profesorima, čagama, modi, muziki… I tak sam ja tekar zdaj doznal da ona zapraf još ide v osmoljetku v sedmi razred. Hmmm… gruntam si ja, pa kaj… ona mlada… ja takaj… gdo nam kaj more zamerit. Pa tak je i denes samo kaj ljudi z vsega delaju nauku.

No… došlo vreme i ona mora domof… drugač bu ju mamica došla iskati. Zdaj ja nju z parka pratim nazaj gor v Kozarčevu vulicu. Baš tam prek puta gde je oni Horvacki… se reče… premijer stanoval dok ga nisu preselili prek Save v Remetinec. I tu se još jemput z jezikima oplahnemo i ona pita mene gda se bumo pak vidli… Ha… a ja njoj važno velim. Čuj malena, of put je bilo tak kak je bilo, al sledeči put te nebum šparal zato kaj si tak mlada. Isusek ona mene pogledi i veli…’Kaj bi ti mene šparal, pa ne misliš valjda da sam ja nevina’… Kaj da ti dalše pripovedam kak da me je strela božja opalila z vedrog neba. Ona je prešla v hižu a ja sam se polahko zaputil čez Radnički Dol prema Malom Placu.

BritanacUlica Pantovčak se ovdje spušta na Britanac

Narafski da sam zutradan v školi vse spripovedal svojem pajdašu Darku. A on se čudil kak se to meni moglo desit. Nakon par dni mi je Darko rekel da je ta mala bila pri njemu domof i razpitivala se za mene. A on joj je vse o meni lepo objasnil… v svojem krevetlinu… ha, sva sreča pa mu mamica ni bila pri hiži…. Bemti mamicu i Zelengaj…

Vas poštivlem i pozdravlam.
Da ste mi gesund !
Mario Cicigoj-Družinec (Mekon) iz Zagreba Grada

Serbus i najte kaj zameriti.

Follow Zdenko’s Corner on Facebook !

Share



Tags: ,



Imate komentar?
Ako imate svoj komentar ili svoje mišljenje koje želite podijeliti, pošaljite mi email ili ispunite dolje predviđena polja za vaš komentar. Svi komentari će biti prethodno pregledani, ispravljeni da budu korektni, pa će tek onda biti objavljeni.

Pošaljite svoje vlastite opise putovanja sa ili bez bicikla, izvještaj sa neke utrke ili možda članak iz povijesti Zagreba ili biciklizma u Hrvatskoj. Na ovim stranicama već imam više od 400 priča i biti će mi drago objaviti sve vaše priče, koje zadovoljavaju kriterije, po pitanju tema na ovome blogu. Pretraživanje ovih stranica omogučeno je na vrhu glavne stranice bloga sa desne strane. Isto tako na vrhu svake stranice nalazi se opcija za prevođenje ovih stranica na druge jezike.

Pošaljite svoje komentare na email adresu: zdenko@zkahlina.ca

2 komentara to “Radničkim dolom”

  1. Comment by Zdenka:

    Najljepsi i meni naravno najromanticniji dio grada Zagreba. Bilo gdje da jesmo u svijetu, rodni kraj ostaje uvijek u sjecanju i vraca se nostalgija. Kaj da kazem di su svi ti cajti kaj su presli.

  2. Comment by mekon:

    Ha…pajdaš…kakšni smo bili “pušači”…ha ….

Leave a Reply