Vincilirova hiža
digg del.icio.us TOP
  Posted August 10th, 2014 by Zdenko  in Purgerska Nostalgija | Jedan komentar

Purgerska nostalgija

Sastavio: Mario Cicigoj-Družinec

VSI TI CAJTI KAJ SU PREŠLI! Vincilirova hiža v Kustošiji…
Evo, si pogleč… gda sam pripovedal o oni vrtlarevoj hiži v Vlaškoj vulici sam rekel da je još samo jena takva v Zagrebu. To je ta na koju sam mislil… ova žuta v Kustošiji. Je to takaj Ilica na broju 290. Taman kak se završi stara Ciglana, kakšnih tristo metri od okretišta trajvana na Črnomercu.

Stara je to hiža… točno 206 leta… je bila tu gdar je oko nje bilo samo polje i njiva. A Ilice još tu ni bilo. Je samo prašnjava cesta pelala čez polje. Su tu bila velka poljoprivredna imanja, vrti, vočnjaki, vinogradi na bregu otraga…

k008

A ta je hiža bila stan i kancelarija od vlastelinovog vrtlara… se taj posel nazival onda “vincilir”, a človek se zval Johan Bartolić. On je nadgledal celo imanje i upravlal je z njim. To je onda bil gospodski posel. Bila je tu v Kustošiji fest poznata obitel Bossak… kaj su bili vlasniki sveg toga… al ih je malo denes ostalo… su se raselili po svetu, al vmrli…

Ta hiža je svakaj doživela čez sva ta duga vremena. Denes je najstarša v Kustošiji. A gda više ni bilo polja i njive ni već trebalo vincilira. Pak su se v toj hiži zredali raznorazni posli i ljudi. Bila je tu dugo let mesnica, je mesar otraga v dvorišču klal stoku i mam v mesnici prodaval. Pak se je Ilica produljila čez celi Grad i prešla celu Kustošiju, tam još dalše prema Vrapču. Pa su se gradile hiže i mesar ni smel više imeti klaonicu. Pak je mesar otišel… a mesto mesara je došel šnajder, krojač… pa je on dugo let, vse do starih dana tu šival obleku… največ za sajmištare… Se zval Franc. Gda je Franc vmrl jeno vreme je bilo zaprto… kaj je već vse bilo pohabano i v lošem stanju. Je onda to malo zakrpal jen Pletač, kaj je veste i pulovere štrikal… se zval Miško. Je Miško imel one stare ručne stroje kaj ih je furt rastezal sim… tam…pa je i on bil samo par let, pa je prešel v penziju…

zogr011

A v potkrovlju te stare hiže je živela kčerka od oneg vincilira Johana. Ona se je tu doselila kasnejše gda je ostala trudna, a ni se znalo gdo je glavni krivac za tu trudnoču. I tu se je rodil nejzin sinek, pa su v tem potkrovlju živeli… ona dok ni prešla Bogu pod račun, a sinek je zgibal na drugi kraj Grada posle drugeg rata.

I denes se nigdo ne sječa kak joj je bilo ime. Vsi su ju zvali samo.. teta Bartolič. I ta je teta Bartolič bila služafka pri oni vlasteli Bossak, a gda več ni mogla od starosti ništ delat su je ti Bossaki pustili da tu živi dok živi.

Pa kak ta stara hiža, vse bolše podrta i pohabana, ni bila za nikaj poštenog nutra delati a da se prije ne obnovi. Odostrag z dvorištne strane, gde je denes frizer, se doselil nekakšni maler… se reče… soboslikar… se zval Štefek. Tu su njemu Bossaki iznajmili za sitne peneze taj prostor gde je of držal svoje kibble, kefe, farbe, lojtre i tak te sitnice. Pa je i taj kakti obrtnik propal, jer je bil takšni pijanec da je zapil vse kaj je v živlenju stekel i imal. Na koncu je spal tu med svojim lojtrama i kiblama. V to vreme su stari Bossaki več vmrli kaj su imeli obadva prek devedeset let. Tu je v nijhovi hiži, to je ona vekša pokraj ove stare, ostala živeti nijhova kčer i nejzin muž.  I jenog su dana primetili da oni propali pijani maler Štefek ni prošel čez dvorišče. A nejga je navek bilo čut kak si našvasan kak deva… na saf glas popeva dok dolazi. Pa ga ni bilo čut nit drugi dan. Nigdo ni ništ znal kaj je znjim. I na koncu se je muž od kčerke, Karlo, popel na stolac i išel viriti čez obrliht znad vrata. I kad je poluknul nutra, tak je na brzinu zišel z stolca da su se on i stolec zvrnuli na dvorišču..  I kaj.. Gda se je naluknul videl je kak oni maler visi na štriku kaj ga je zvezal za železnu kuku od lampe. I nakon tega više v ti stari hiži ni bilo nikoga… vse je bolše propadala… 

 I onda je došlo već novo vreme, pa je hižicu kupil jen tu domaći. Pak ju je zrihtal kak je negda v originalu bila. I denes su tu obrtniki Pedikeri, frizeri, kozmetičari…

kustošija 039

Lepo zgledi ta stara hiža… al nebu dugo. Se na tem mestu planiraju gradit velke hiže… neboderi… pa bu se Ilica širila, a morti bu i trajvan išel dales. A stara hiža bu ostala sam na fotografiji, v kakvem albumu ili na ‚Zdenkovom vuglecu‘ na internetu…

Stajala je tamo jedna kuća stara

imala je sve što stara kuća ima.

Dvorište od sunca, žljebove od lima

gnijezda puna jutra cvrkuta i sna.

 

Stajala je tamo jedna kuća stara

koja iza starog nakrivljenog plota.

Tamo gdje si bila proljeće života

gdje još staro sunce iz mladosti sja.

 

Stajala je tamo jedna kuća stara

uspomene žive, sjećanja još traju.

Dvorišta su uvijek u sunčanom sjaju

ali do stare kuće izgubljen je put.

 

Kad čuješ pjesmu o svom rodnom kraju

o mladosti mojoj saznati ćeš sve.

Vidjeti ćeš i kuću u sunčanom sjaju

ali neću te nikad odvesti do nje.

 

Vas poštivlem i pozdravlam.
Da ste mi gesund !
Mario Cicigoj-Družinec (Mekon) iz Zagreba Grada

Serbus i najte kaj zameriti.

Follow Zdenko’s Corner on Facebook !

Share



Tags: ,



Imate komentar?
Ako imate svoj komentar ili svoje mišljenje koje želite podijeliti, pošaljite mi email ili ispunite dolje predviđena polja za vaš komentar. Svi komentari će biti prethodno pregledani, ispravljeni da budu korektni, pa će tek onda biti objavljeni.

Pošaljite svoje vlastite opise putovanja sa ili bez bicikla, izvještaj sa neke utrke ili možda članak iz povijesti Zagreba ili biciklizma u Hrvatskoj. Na ovim stranicama već imam više od 400 priča i biti će mi drago objaviti sve vaše priče, koje zadovoljavaju kriterije, po pitanju tema na ovome blogu. Pretraživanje ovih stranica omogučeno je na vrhu glavne stranice bloga sa desne strane. Isto tako na vrhu svake stranice nalazi se opcija za prevođenje ovih stranica na druge jezike.

Pošaljite svoje komentare na email adresu: zdenko@zkahlina.ca

Jedan komentar to “Vincilirova hiža”

  1. Comment by mekon:

    jeee.. fest mi se dopada pripovetka..

Leave a Reply