Bok Zagreb moj
digg del.icio.us TOP
  Posted March 2nd, 2015 by Zdenko  in Purgerska Nostalgija | Jedan komentar

Purgerska nostalgija

Sastavio: Mario Cicigoj-Družinec

VSI TI CAJTI KAJ SU PREŠLI! Čez vulice i čez trge… moje špancirancije.
Bok… moj Zagreb, kak si kaj? Ma, nis ja tebe zaboravil dragi moj Zagreb. Sam štel videt jel bu se gdo drugi javil kaj bi te pozdravil, al pital gde si… kak si. Pa nigdo ništ…

zg40005

Jeee, to su dragi moj Zagreb vse okol nas samo oni kaj živiju v Tebi, hodiju po Tebi… prolaziju, a ne vidiju gde su. Vsi ti i nisu pravi Zagrepčanci i ne treba im zameriti kaj se tak ponašaju.Nisu imeli gde navčit kak se voli Zagreb. Viš, dragi moj Zagreb, ja sam tu od navek… smo Ti i ja skup rasli. Skup se veselili gdar je Tebi i meni bilo lepo. Skup smo žalili i plakali gda je bilo težko. Se radi spominamo kak je lepo bilo biti mlad… pak je jena velka istina. Ti buš navek ostal mlad, a ja sam zdaj več star… Ti buš tu ostal i gda mene več nebu… i dobro je tak. Ti si taj keri mora ostati dok je oveg sveta, a takšni kak sam ja se buju navek rodili i rasli… opet skup z Tobom.

zg40022

Pogleč, dragi moj Zagreb… sam te spet obišel i denes. Kaj nebi ni slučajno zaboravil kak zglediš, no pa Ti to znaš… se mi vsaki dan ispripovedamo na kakšnem vuglu… Viš je još jeno leto prešlo… jako brzo to ide. Božić se zmaknul i mam je tu Novo leto. Pa je i red da si poželimo jen drugom nekaj kaj bi nas radovalo. Znam ja… se razme… da Ti meni želiš puno tega, pa i Ti znaš kolko ja vsega Tebi želim. Želim Ti… Vse, vse kaj bi tebe moglo obradovat, jer Ti si moj jedini i voljeni… ljubljeni grad. Budi srećen… Grade moj!

zg40036

Dragi moji domaći i vsi oni kaj ste tu onak uzput. Vam želim vsega i svačega, kaj si ni sami nebi mogli poželeti. Imajte se dobro i v Novem letu 2015!

A je po celom našem Gradu gužvancija ovih dana kak da Novo leto ni prešlo. Su još navek tam ti satori, štandi. Pa ja onda malo zaobidem vse to pa polahko hodim… gledim… i tak to.

zg42031

Pa je ti Botanički vrt zaprt… se nema zdaj po zimi tam kaj gledeti. Ti vrapca, zdaj to zgledi kak obična šikara. A je zasvim drugač na proletje kad buju cveteki zrasli, pa listje poteralo…

zg42035

Viš, je to HDA… se reče.. Horvacki Državni Arhiv. Negda je tu bila sveučilištna biblioteka, pa je onda bila dugo zapuštena prazna hiža. I se negdo setil da bi tu moglo bit i nekaj koristnog. Pa se ta lepa velka hiža i nemre dobro videt vse dok listje z dreva ne opadne..

Pogleč kak su tu palaču lepo obnovili. To je tu na vuglu Vodnikove i Grgura Ninskog. Je negda tu bila Milicija, pa posle Policija… vse oni specijalni agenti, pa forenzičari… I su njih preselili na Črnomerec, v Kustošiju, pa to zdaj Kustošijanci nazivleju Pentagon… A tu v ovi palači je nekakšno ministarstvo. Ti vrapca, pa tu nutar dela barem hiladu ljudi. Ma… drek delaju, se samo sprešetavleju po hodnikima i pijeju črnu kavu.

zg42a015

… eeee, ovo je več važna stvar. Bumo si tu malo postajali… Viš, to je rodilište v Petrovoj, ali drugač… Petrovo rodilište. To je v Petrovi vulici na broju trinajst (13). Pa je to jeno od najbolših v Horvackoj. Ni čudo, pa je staro prek devedeset let. Gda je zgrađeno je to bilo i jeno od bolših v Evropi. Su ga nema dugo malo porihtali zvana…

Viš, sam se ja rodil na mom Zrinjefcu v hiži, kaj onda ni bilo samo tak najti prevoza za bolnicu. Pa čim sam zašel na svet, je babica bila moja baka… ona plemenitašica. Je sused došel z svojim Opelom i otpelal mene i mamicu v Petrovu. Su tam konstatirali da sam malo premršaf i da bi mamica i ja ostali par dni. Pa je tak i bilo… A sam ja na njih fest nabrušen. Zamisli si… sam se ja na ovi svet zvlekel v hiži na Zrinjefcu, a oni mene zapisali kak da je to bilo v Petrovi. Tak mi piše v onem papiru da smo mamica i ja otpušteni z rodilišta, nakon poroda rodilje Ane… čisti falsifikat!!

Pa sam ja tu denes došel tražit jenog svog starog pajdaša, kaj ga nis videl prek trideset let, a je delal tu v rodilištu kak električar. Pa su mi rekli da je prije dva meseca prešel v penziju. A ja sam slučajno saznal da bi ga tu mogel najti. Pa mi vragi jeni, nisu šteli kazat gde stanuje. Su rekli da nesmeju davat takve podatke!

zg43a006

Je i denes sunčeko stiglo v naš dragi Zagreb. Pa je fest zubato i ak nisi dobro vblečen, bogmeš bu ti do kosti zazeblo. Ima dost onih minusa celzijusof. No kaj, veliju da je to zdravo… da vse viruse potuče ta zima. Pa baš i ni za verovati tomu. Zideš v trajvan a nutar vsi kašleju, hripleju, šmrcaju i kihaju… a nigdo si ruku ne dene na gubec. I tak onda tu pokupiš nekaj…

A ja sam došel do Frankopanske i malo bum obišel grada, da se ne veli da nis bil. Na pogleč… i v Gaveli je nova prectava. Se zove… Prolazi sve. Pa mi znamo da vse prolazi, kaj nam još i to prectavlat moraju. Al kaj… Pa ti ja baš nejdem v to kazališče. Oni samo nekakšne tugaljive drame igraju, a ja se v kazališču volim razonodit. Zato pem v Komediju. Kerempuh… Histrione i gdagod v Lisinski, na kakšni koncert. Pa nit ne stigneš vse obiti kak bi štel…

zg50a031aPetrica Kerempuh

Viš ti je to… se reče… umjetnički prikaz kak su teg Petricu Kerempuha – Potepuha šteli obesiti posle one seljačke bune. A bi ja rekel da su ga zapraf šteli obesit baš zato kaj je govoril oni kajkafski kaj ga nigdo ni razmel… Pa gdo bi to znal… a ti vrapca… bi morti i ja mogel nadrapati… bežim.

zg42a030

NI MED CVETJEM NI PRAVICE

Ni med cvetjem ni pravice,

rekel to je fijolice,

smardljivi terputec,

jalnuš, tvardogutec.

 

Zajček, gumbek, bažulek i slak,

čuli su terpuca kak punta se bedak.

Pak rekel je gumbek: “Ti si bedak,

to je tak bola Božja, pak ima biti tak!

Ni ja nis roža ni fergismajniht,

ni hijacint, ni holer, ni admiralov cvet!

Ja priklonit sem gumbek, a nis ni dišeča teja,

pak srečen sem kak gumbek, kad nis Galateja!”

 

A rekel je terputec: “Slatki vi gosponček,

naj daju mi jen preponizni pardonček,

kajti ja ne klimam sakom kakti zvonček!

Vi v gartlicu dišite, kakti mačuhice,

a nas pak zoblu vrepci i tice krilatice.

Po nami smrade krave i cigan se posce,

na kačino mleko, na zimolezine.

Vu plahticam vašim Božje dete spi,

na piriki, terpuca ni vrag ne gledi.

 

Ak pak če bi tak, da na svetu biti ima tak,

da na jenog krava i cigan se sce,

a drugi pak v gartlicu kak admiral diše,

če ima biti tak, naj onda bu tak,

a ja, kak jalnuš, gladnuš i bedak,

del si bum za škrilak goreči čerleni mak,

pak nek dojde veter, sivi severnjak!

 

Severec, kozoderec, skunkačov strah i kač,

raznesel bu vre farbe s pisanih vaših gač,

a nami bu sejeno, mi tak sme polski drač,

bespuci, terpuci i kravji kolač!”

Vas poštivlem i pozdravlam.

Da ste mi gesund !

Mario Cicigoj-Družinec (Mekon) iz Zagreba Grada

Markova Crkva_Grad Zagreb

Serbus i najte kaj zameriti.

Follow Zdenko’s Corner on Facebook !

Share



Tags: ,



Imate komentar?
Ako imate svoj komentar ili svoje mišljenje koje želite podijeliti, pošaljite mi email ili ispunite dolje predviđena polja za vaš komentar. Svi komentari će biti prethodno pregledani, ispravljeni da budu korektni, pa će tek onda biti objavljeni.

Pošaljite svoje vlastite opise putovanja sa ili bez bicikla, izvještaj sa neke utrke ili možda članak iz povijesti Zagreba ili biciklizma u Hrvatskoj. Na ovim stranicama već imam više od 400 priča i biti će mi drago objaviti sve vaše priče, koje zadovoljavaju kriterije, po pitanju tema na ovome blogu. Pretraživanje ovih stranica omogučeno je na vrhu glavne stranice bloga sa desne strane. Isto tako na vrhu svake stranice nalazi se opcija za prevođenje ovih stranica na druge jezike.

Pošaljite svoje komentare na email adresu: zdenko@zkahlina.ca

Jedan komentar to “Bok Zagreb moj”

  1. Comment by zinka.canjuga:

    Bok moj Zagreb…
    velim svako jutro kad se zbudim i idem delat… uđem u tramvaj na trećoj stanici… gužva… ljudi mobiliraju, čitaju novine knjige, gablaju uz put… a ja… ja se posvetim svom Zagrebu, kak si mi danas? Kaj je novoga? Jer si još uvijek onaj stari Zagreb… moj Zagreb… onak iz trammvaja sve mi zgleda nekak tužno… prolazimo kroz Dubravu… pokoji robni centar, shoping centar i kuče, koje nisu useljene, a ispred redovito spava gospon kaj je ostal bez ićega… i sad čeka da mu dobre žene iz Konzuma donesu kavu i topli perec…

    vozim se dalje i evo mog Maksimira… malo melema za moju dušu – procvjetali su šafrani i visibabe… budi se priroda i uživam u slici mog djetinjstva, a onda opet tuga… stanica i poplunar, više se i ne vidi kak se zval i da je tu bilo dvorište poplunara, u kojem smo se igrali. sve u stanju raspadanja… zatim Harambašićeva ista slika… na vuglu je bila žena kaj je krpala čarape i štopala, te radila gumbe… do nje zlatar i sve je propalo… dalje Kvatrić… žbuka otpada sa pročelja. opasno je tud i prolaziti… svaki drugi dućan se zatvara… odlazi i dobri stari Šimecki… Petrova crkva se još drži, al i tu otpada žbuka…

    i tak do Draškovićeve, pa sve do Kolodvora gdje se slikam, pa kroz pothodnik na bus… vidim oronuli Paromlin i nemrem da mi srce ne zaigra i velim sama sebi: Volim te Zagrebe. kak god na očigled propadaš, al bumo nekaj napravili pa bu bolje i ti bus opet procvetal… i sve bu mirišalo na rajžlec i špek fileke… na ljubice kaj se budu prodavale na svakom čošku i opet se bu moglo kupiti cici_mici na šibici…
    Pozdrav, Zinka

Leave a Reply