Singerova hiža na Trgaču
digg del.icio.us TOP
  Posted February 10th, 2015 by Zdenko  in Purgerska Nostalgija | Jos nema komentara

Purgerska nostalgija

Sastavio: Mario Cicigoj-Družinec

VSI TI CAJTI KAJ SU PREŠLI! Čez vulice i čez trge… moje špancirancije.
Na vuglu Praške i Trgača je jena lepa i velka hiža, pa ju Zagrepčanci nazivleju ‘Singerova hiža’. Valjda zato kaj je na hiži ostal oni stari natpis od gdar je tu taj Singer imal štacun.

zg28035

Praf za praf, ni to nigdar bila Singerova hiža. Gda su se okol Harmice začele zidat hiže su zpočetka to bile vse prizemnice. I vse su bile trgovine, štacuni, brtije okol sajmišta, kaj je bilo negdar na ti Harmici. Pa gdar se grad spuštal z Griča brda prema dol tak su i te prve hiže zrušene, pa zidane nove. Pa su i te nove zrušene i zidane još novije i tak kak je vreme nalagalo. I tam negde v osamnajstom stolječu su se okol Harmice začele zidat hiže kaj su bile temelj za ove današnje. Narafski se v to vreme v Zagrebu zidalo največ do dva kata, pa su posle novi vlasniki dozidavali još jen al dva kata…

Tak je i ova bumo rekli ‘Singerova hiža’ prvič bila v vlasništvu nekakšneg zagrebečkog bogatog trgofca… sajmištara, se zval Šimac. Kasnije ju je onda tu kupil zagrebački zanatljija, bravar Ferdinand Budicki. Je taj bil fest bogat kaj je v ono vreme bravarija bila umetnost.

A taj Budicki je i dopelal prvi avtomobil z Beča v Zagreb. Je to bilo čudo. Makar se zagrebački kroničari nemreju složit gdo je dopelal prvi auto. No, ti Budicki je ostal zapamčen. Taj bravar je prestal biti bravar i je otprl v ti hiži salon avtomobilof kaj ih je dovlekel z Švabije. Su to bili oni Opeli, Dekaveji… Pa je tu prodaval i motocikline i bicikline. Pa je vreme išlo, a Budicki je preselil te svoje avte v Savsku gde je bila i trgovina i mehaničarija za poprafke.

zg 151a 037

A tu hižu na vuglu Praške i Trgača je kupila ona kraljefska banka, se posle zvala Jugoslavenska banka. Pa je oni prostor v prizemlu v najam zela svetski poznata tvrtka ‘Singer’. Ti Singer je bil jen od najstareših tvorničara v Ameriki kaj su proizvodili šnajderske stroje… se još veli šivače mašine. Su to bile najbolše i najpoznatejše mašine kaj ih je vsaka prava domačica doma imela. Su se zvale Singerice… A je ti Singer bil pravi židof, bogat kak ruski car i v svoje vreme najvekši kapitalist v Ameriki. Prvi neboder v Nju Jorku kaj je imel četardesetsedam katof je baš on zgradil. Posle su ga drugi prehajbali.

No ti Singer je po celom svetu imal štacune, kasnejše i fabrike. I dan danas ta fabrika dela v Ameriki i dalše proizvode, narafski moderne elektroničke mašine za šivanje, štrikanje, endlanje i još nekakšne druge stvari. A taj Singerof štacun tu v Praški je delal vse do prije dvajdeset i nekaj let. No to več ni bil Singerof al su se nutar prodavali i Singerovi stroji, pa svikakvi drugi: Bagati, Mirne… i kaj ti ja znam koji vse. I onda su jenog dana zaprli sve to i bilo je dugo let zaprto. Koliko se zna, taj nekadašnji Singer ima nasljednike koji su vodili sud oko pitanja vlasništva nad zgradom. Dobili su i nagodili se s državom.

ZG142c002_zpsc33ead90

Od pedesetih pa do konca osamdesetih tu su uvijek bila državna poduzeća od većeg značaja. Posljednje je bilo ‘Voće’ koje je još za one države propalo uz veliki skandal. Izgleda da su i onda političari izvlačili lovu iz državnih firmi kao i danas. Nekolilo je godina bilo sve prazno, pa su onda u novoj državi nutra uselili prvo masonski rotary klubovi a prije kratkog vremena nutra je cijeli kat zauzel SDP Grada Zagreba.

Gda su to tam koncem šezdesetih obnovili i vredili su nutar začeli prodavat raznu, se reče tehničku robu, pa ugostitelsku opremu… pa razne fele bešteka i servisa za jelo. To je bilo ono poznato velko poduzeče Ferimport. Na kraju je to postal velki štacun kaj je nutar bilo vsega i svačega, da je to težko i nabrojit. I narafski, kak vse v naši državi propada tak je i taj Ferimport propal i su ga zaprli. Pa je več skoro jeno leto zaprto i zdaj dolazi iznenađenje… vse nemrem verovat.

zg55021

Je v zajdne vreme v Zagrebu zaprto velik broj knjižara, kaj je to velka kulturna sramota. Tri knjižare v Ilici, takaj tri na Cvjetnom Trgu, v Preradovičevi, Masarikovi… i gdo zna gde još. Zato sam se iznenadil gda sam videl da se tu v ti Singerovi hiži vskoro otpire knjižara. Je to ona poznata Školska Knjiga, kaj je to navekše knjižarsko poduzeče v Zagrebu i Horvackoj.

Dobro je to, puno bolše nek da otpreju nekakšnu žderilnicu kak oni PimPek i bi vrag znal kak se vse zoveju. Bravo za knjižaru!

U dvorišnjem djelu su živjeli stanari, a kako je danas neznam jer je stalno zaključano. S Praške ulice su oduvijek tu bila dva fotografa, danas je jedan, a u drugom lokalu je poduzeće FOTO, oprema i pribor za fotografe i sve drugo kaj nema veze sa onim FOTO. Na strani trga je dugo godina bila trgovina s šivačim strojevima, a kasnije se nekoliko puta mijenjala namjena trgovine. Unazad godinu dana je knjižara.

trg016

Vas poštivlem i pozdravlam.
Da ste mi gesund !
Mario Cicigoj-Družinec (Mekon) iz Zagreba Grada

Serbus i najte kaj zameriti.

Follow Zdenko’s Corner on Facebook !

Share



Tags: ,



Imate komentar?
Ako imate svoj komentar ili svoje mišljenje koje želite podijeliti, pošaljite mi email ili ispunite dolje predviđena polja za vaš komentar. Svi komentari će biti prethodno pregledani, ispravljeni da budu korektni, pa će tek onda biti objavljeni.

Pošaljite svoje vlastite opise putovanja sa ili bez bicikla, izvještaj sa neke utrke ili možda članak iz povijesti Zagreba ili biciklizma u Hrvatskoj. Na ovim stranicama već imam više od 400 priča i biti će mi drago objaviti sve vaše priče, koje zadovoljavaju kriterije, po pitanju tema na ovome blogu. Pretraživanje ovih stranica omogučeno je na vrhu glavne stranice bloga sa desne strane. Isto tako na vrhu svake stranice nalazi se opcija za prevođenje ovih stranica na druge jezike.

Pošaljite svoje komentare na email adresu: zdenko@zkahlina.ca

Leave a Reply