Pri Trešnjevačkom placu
digg del.icio.us TOP
  Posted March 22nd, 2015 by Zdenko  in Purgerska Nostalgija | 2 komentara

Purgerska nostalgija

Sastavio: Mario Cicigoj-Družinec

VSI TI CAJTI KAJ SU PREŠLI! Čez vulice i čez trge… moje špancirancije.
I onda dojdeš na Trešnjevački plac. Gda smo već na tom kraju onda bum malo i sprešel čez Trešnjevački plac. Nis tu bil od lanjske jeseni. Vidim da se i tu nekaj zmenilo, zapraf samo su nadodali još kojekaj i naredili još vekšu gužvanciju.

z22022Pri Trešnjevačkom placu

Evo viš, to ti je tak kak ti velim. Vse nekak tmurno i vleče na sivo, makar sunčeko obasjava vulicu. Tu buš malo ljudi videl da se španciraju po vulici. Meni nekak zgledi kak da su ti stari Trešnjefčani vsi v penziji. Sediju domof pred televizijom, a jedino kaj svedoči da tu ima ljudi, su ova sila sparkiranih avtomobila i po trotoarima i vsred ceste. Nema nikakšneg reda. Narafski, osim kaj se redovno naplačuje to parkiranje. Evo, hitim jen pogled nazaj prema gradu, prema Safski cesti… jeee, to je već za mene ipak malo na periferiji razmeš. Dakle oni stakleni toranj je ostal za menom, kak i ona drvena podrtina od Tehničkog muzeja i ja sam dakle zakoračil debelo v Trešnjefku. Zdaj i da se hoču vrnuti nebi se splatilo. To bi se reklo da bum štrapaciral vse do Trešnjevačkog Placa.

Zagreb,Park Zvonimira Milčeca ,Trešnjevački trg3Park Zvonimira Milčeca, preko puta Trešnjevačkog placa

Je da je plac kak je i negda bil, ali vse okol je kak jeno velko sajmište, bez reda i poretka. Su naokol sameg placa gde kumice i kumeki prodajeju svoju robu, vse sami štandi z krpami i drugim stvarima kaj im na placu ni mesto. Se tu prodaju samo kineska roba, al kakšna druga fušarija. Viš, tu gde je bil prolaz za ljude tu su navlekli još štandof.. pa je da su ti štandi lepi za videti al je pokraj njih mesta da bi se jedva glista provlekla..

ZG131b026_zpsb45249ceTrešnjevački plac

A su v samo središče placa pustili kamione i avte pa ti vse skup zgledi kak da si došel na Bombajsku tržnicu. Tu se ljudi i tehnika guraju na istem mestu a je i dost vse zamazano okol. Pa su tu i se veli, oni kioski. Ti pajzlini kaj se nutar pijača prodaje, pa su razvlekli stole i stolce okol da moraš to zaobilazit al preskakivat. Pa još oni veliju pečenjare, kaj čevape i pleskavice delaju. A to smrdi po celom placu i do pol Trešnjefke, baš kak i ona Baščaršija v Sarajevu z kire čevapi smrdiju dol do Grčke. Pa se tu zmešaju i smradi kaj pečeju piceke, pa nekakšne fritule v onem smrdlivom vulju kaj ga sedam dana ne promeniju.

Ti morem reči da se tu ljudi okuplaju i trošiju na to peneze. Strašno je to. Nemreš v jenom takšnom starom Zagrebačkom firtlu pojesti kakšne domaće štrukle, gibanicu,  zlevanku…

z22036Trešnjevački plac

I mi je fest zasmetalo kaj je plac pun ciganof. Jeee. Su i to trgofci. Na podu držiju cele hrpe raznih cajnkof, a te zamusane ciganice loviju ženske za rukaf i snubiju kaj bi nekaj prodale. I pri tom kričiju kak da su na onem sajmištu Hreliču…

ZG91a005_zps2eca9181Trešnjevački plac

I placovinu treba pobirat, pa makar štande pometali i na krove. No, pa kaj, plac i služi da se malo guraš i rivleš. Najdeš kakšnu guzatu žensku i onda se rivleš iza nje, pa ak te ta grdo pogledi kaj joj se okol riti motaš, ti samo rečeš: ‘Oprostite prosim i mene drugi guraju’… Pa si onda najdeš drugu… i tak. Ha! To smo tak mi fakini delali v trajvanu. Stali bi se pozadi kakšnih pucica al ženski i kak bi se trajvan njihal tak bi se i mi bolše zalepili ženski za rit. Još bi i kakti slučajno ruku zpustil što niže i tak vse je bilo slučajno. Pa su ženske većinom skužile i bi se zmaknule, pa bi onda došla druga, treta… Svakak da je to bilo zanimlivo gda je bila v trajvanu velka gužvancija.

Idem pogledat po placu malo one… se reče… sadnice cvetja, kaj ih tu ima na pol placa. TI vrapca kaj je to tu skupo, na Dolcu su takšne sadnice po deset kuna tu su po petnajst. A na štandu dol v Gajnicama sam ih videl po pet kuna. Ništ nebum kupil, nek si to babe doma srediju brez mene.

ZG91a011_zps6e2711e3Trešnjevački plac

Znaš, taj ti je Trešnjevački plac još vekši neg je Dolac, al se vidi razlika. Na Dolcu je vse prvoklasna roba, a tu ima i dobre i loše. Negdar v davna vremena Trešnjevački plac je bil kakti najeftinejši v Zagrebu, baš kak i oni na Branimircu. A Dolac je bil najskupliji. Denes se to vse naopak zmenilo. Dolac je najeftinejši i ima najbolšu robu. Jedino je na jesen tu na Trešnjevačkom placu velka ponuda zelenjave za zimnicu delat. I tak, ništ drugeg novog… zaprav ima nekaj. Vidim da su na one kandelabere deli ogromne reflektore kak na nogometno igrališče. Stvarno neznam kaj to tu treba. Zapraf znam, negdo je moral zaradit na prodaji teh lampi a grad je to velikodušno platil tom nekom. A dal to treba al ne treba, to ni opče važno. Inače plac još navek smrdi po užeglom ulju kaj se pečeju čevapi i piceki po kioskima. Z druge strane smrdi po bureku, z trete po ribama. Cigani i dalše napadaju ljude da nekaj kupiju od njih. Plac ko plac… Ipak je Trešnjefka malo onak… hmmm… na provinciji, kaj ne?

I tak… nema na tem placu već one negdašnje domaće, se veli atmosphere. Vse kaj je ostalo od negdašnje Trešnjefke i placa su stare popefke oneg Trešnjevačkog purgera pjesnika i pjevača, Zvonkeca Špišića… je i on već jako stari… i još samo oni Šestinski suncobrani.

Praf za praf nit neznam koje su to po redu špancirancije. Ima tega tu sva sila. Morti jemput i spregledim vse to v rikverc… Hmmm, ak ponorim. Ha, a ne fali mi baš preveć…

ZG144035_zps8ae246b3Nekada birtija ‘Dvije Lipe’ a danas ‘Automat klub’

ZG144036_zps07ba985bTrakoščanska ulica

Ki kak i ki kam, a ja čez Zagreb
I gda kreneš na drugu stranu od Trešnjevačkog Trga, ha… a vsi Trešnjefčani i ostali Zagrepčanci za to veliju Trešnjevački Plac. Tak je od navek pa ja neznam zakaj to spametni glavonje v Zagrebačkem Poglavarstvu nikak nemreju shfatiti. Ma kaj, gda su vse to dotepenci. V celi ti gradcki hiži nebuš našel deset Zagrepčancof, a tam dela barem dve hilade ljudi. Velim ti ja, zbrda i zdola… opanjki, fesovi, frulice, šajkače i tak to.

No, krenuli smo čez Trakoščansku vulicu, dakle prema sjeveru. Mam na početku je ta festa stara hiža, negda je bila poznata ne samo na Trešnjefki neg i v celom našem Zagrebu. Narafski, tu je bila brtija, se zvala ‘Dve Lipe’. Tu se je dobro pilo i jelo a navek se je kartalo. Kak i vse staro kaj je vredelo, tak je i to nestalo prek noči. Prvo su usahnule te ogromne lipe, kaj su velku sencu delale iznad te hiže, pa malo za tim je i brtija prestala delati… i bilo je dugo zaprto. I onda najemput je tu osvanul oni Automat club. To ti je za kockare kaj sliniju pokraj oneh aparata i bacaju nutra peneze. Denes valjda nigdo nit nezna za te negdarnje ‘Dve Lipe’. Kak sam već puno put rekel, nigdo ne piše povjest Zagrebačkih firtla na periferiji. A kaj moreš, denes su moderna vremena, kaj bi se gdo zamaral z starinama.

ZG144037_zpsb4b23d90Trakoščanska ulica

I tak, peš i ideš, štrapaciraš spodi tek lepih breza. Zbilam milina i za videt i za bit spodi v senci. A cela ta Trakoščanska vulica ti je fest različita. Je da je to stara Trešnjevačka vulica… ha, morti su negda tu i trešnje rasle. Ha, a da ti za praf velim, gda bi se ravno zaputil do kraja, pa još dalše prek Medvednice kaj se vidi v daljini… hmmmm… morti bi zišel van negde okol Trakoščana v Horvackom Zagorju.

Viš, tam skroz na koncu je ostal Trešnjevački Plac. Bormeš sam se ja fest zalaufal, ti vrapca… se žurim kak da mi je sila srat. Al to ti je samo moja navada. Krenem lepo polahko kak pravi penzijoner, a za kratko začnem bežati kak da sam v Sparti na maratonu. Pa sam štel kazat da v ti vulici ima vsega i svačega. Narafski, tu su vglavnom samo obitelske hiže vsih fela, veličina, starosti. Ima fest starih, nekaj mlajših do oneh najmodernejših… Malo je tu štacuna, a brtija je ostala tam na početku pri Trešnjevačkom placu, pa zdaj tu moreš i krepat od žeđi… nebuš našel nikakšni pajzl da si nekaj spiješ i spasiš živlenje. A meni je već bormeš postalo gusto i za scanje i zbog žeđi…

ZG144044_zpsfe680e49Trakoščanska ulica

I kaj smo bliže prema Trgu Športova to su hiže novijeg doba i vse je kakti bolše. Jedino je puno ljudi i avtomobila. Evo, već i Hotel Panorama zviriva znad breza. Eee, taj hotel, svakaj se v tom hotelu spelavalo. Mi se čini da sam ja već o tomu škrabal, kak smo sim ženske pelali i kak su kurve tu imale svoj bordel. Pa, bilo je to davno. Denes je to obnovlen i vredan hotel. Navek je pun kaj tu dolaziju razni športaši kaj špilaju te športove v Domu Športova. A pogleč, kak se lepo na Medvednici vidi i naš Medvedgrad. Bi človek rekel da je na dohvat ruke… sam štel kazat… noge. Al bi se imal kaj nahoditi dok tam dojdeš. Na, bi se reklo da je ovo poslednja hiža v Trakoščanski vulici, a takaj i najnovejša. Hmmm… nebi ja imel nikaj protif tu stanovat, pa to je par minut od Zapadneg Kolodvora, a dost mirni firtl.

parkić na Trešnjevačkom trgu2Parkić kod Trešnjevačkog trga

I gda već pomisliš kak si došel v skorom pa centar Grada, onda najemput skužiš da si još uvek na dobri stari Trešnjefki. Na samom koncu Trakoščanske vulice z leve strane je ipak ostala, bi se reklo… poslednja starina. Tu v dvorišču je avtomehaničar. Hmmm… nema nit jenog avtomobila na poprafku, pa je tu i vulkanizer. Pak jen kaj gume krpa… hmmm… ni pri njemu nema nit jenog avtomobila. I na koncu je tu i autopraonica. Kaj da ti velim, nit pri njemu nigdo ne pere avto. Jeee, vse je v tom dvorišču onak staromodno. Pa šoferi sim nit nejdeju. A gdo bi znal, morti ti majstori tu, v tem zapuščenom dvorišču, čekaju još koji dan do penzije… bi ga vrag znal. Al svejeno vse ovo me podseti na negdarnje stare obrte i zanimanja po našemu gradu. Meni se ono vreme bolše dopadalo. Ha.. pa bil sam mlajši… razmeš?

I tak zbogom Trakoščanska vulica… gdo zna dal bum još koji put tu prošel. Makar ja često pem po susednoj… malo dalše, Krapinskoj… kaj takaj pe z Trešnjevačkog Placa…

Jezušek, zbilam sam već žedan… kak graba!

TREŠNJEVKA
Nema Zagreb lepšeg čara
nego kaj je Trešnjevka
To je velegradska fara
zemlja svega bogata

Trešnjevka, Trešnjevka, Trešnjevka, Trešnjevka
naša draga Trešnjevka
jedina, jedina, jedina, jedina
ti si dika Zagreba.

Dojde stranac pak se čudi
nad kulturom Trešnjevke
tu ti nema ajnfag ljudi
kakti nasred Afrike

Ceste sve, ceste sve, ceste sve, ceste sve
navek su bez prasine
netreba, netreba, netreba, netreba
velegradskih špricera

Trešnjevka i park svoj ima
pokraj štreke državne
ledina sa papratima
liječi boli ljubavne

Trešnjevka, Trešnjevka…

Vas poštivlem i pozdravlam.
Da ste mi gesund !
Mario Cicigoj-Družinec (Mekon) iz Zagreba Grada

Serbus i najte kaj zameriti.

Follow Zdenko’s Corner on Facebook !

Share



Tags: ,



Imate komentar?
Ako imate svoj komentar ili svoje mišljenje koje želite podijeliti, pošaljite mi email ili ispunite dolje predviđena polja za vaš komentar. Svi komentari će biti prethodno pregledani, ispravljeni da budu korektni, pa će tek onda biti objavljeni.

Pošaljite svoje vlastite opise putovanja sa ili bez bicikla, izvještaj sa neke utrke ili možda članak iz povijesti Zagreba ili biciklizma u Hrvatskoj. Na ovim stranicama već imam više od 400 priča i biti će mi drago objaviti sve vaše priče, koje zadovoljavaju kriterije, po pitanju tema na ovome blogu. Pretraživanje ovih stranica omogučeno je na vrhu glavne stranice bloga sa desne strane. Isto tako na vrhu svake stranice nalazi se opcija za prevođenje ovih stranica na druge jezike.

Pošaljite svoje komentare na email adresu: zdenko@zkahlina.ca

2 komentara to “Pri Trešnjevačkom placu”

  1. Comment by zinka canjuga:

    moja Teršnjevka… volim reči moja Trešnjevka, jer sam ko djete skoro svake subote i nedjelje išla s tatekom na utakmicu nogometnog kluba NK Trešnjevka, jer ni jednu tekmu u Zagrebu nismo mogli propustiti… bila su to vremena kad je Zagreb imal više dobrih nogometnih klubova: NK Lokomotiva, NK Maksimir… i svi su dobro nateravali loptu…

    i dok je tata gledal tekmu, ja bi zbrisala na plac i uživala u prvim rotkvicama, jagodama, trešnjama… prvom mladom luku… mirisala sam domaće povrće i gledala gdje se prodaje pravi sir i vrnje, putar od kumica… a cvijeće je bilo posebna priča… bilo ga je svih vrsta i boja… a naravno imala sam nekaj penez i kupila bi si cice-mace na šibici i škarnicl kikirikija… dok je tata uz igralište ispijal gemište ili špricer, koji su se tada nosili u hamperima i vadili šefljom u čaše… dok je blagajnik pobiral novce v đep…

    o krasnih li vremena… poslije su na plac došli i preprodavači svih vrsta krpica: od odjeće do obuće i sve to je dalo novi štih placu… uz plac u Krapinskoj je živjela teta Dušanka kaj je z mojom mamom radila u Krašu i kad god bi išli k njoj, furt smo se najeli prekrasnih sendviča s gavrilovć salamom, kaj je delal njem muž, jer je on bil poslovođa v dućanu…
    a kino u Okićkoj Triglav… prikazival je matineje, a tu su stanovali stari mladi Stinčići, golmani NK Dinama…

    i danas često svratim do Trešnjevke i placa da osvežim sjećanja i osjetim mirise Zagreba koji pomalo nestaju…
    Pozdrav…

  2. Comment by Darko Ban:

    Tu sam ja odrasel. Išel sam u školu “bratstvo i jedinstvo” i u crkvu Sv. Josipa :)
    A ovak kak vi pričate pričali su moji baka i deda. Ja znam malo modernij Zagrebački :)

    lijepi pozdrav

    db

Leave a Reply